د لاسرسي ځای

د امریکې دفاع وزیر جېمز میټیس تیره ورځ وویل په افغانستان کې د ځای پر ځای کولو لپاره له۳۰۰۰ زیات امریکايي ځواکونه دغه هېواد ته پر لاره دي.

تیره میاشت ولسمشر ډونلډ ټرمپ د افغانستان په اړه خپله نوې تګلاره اعلان کړه چې د نوموړي په وینا مقصد یې هغو طالبانو ته ماتې ورکول دي کومو چې په افغانستان کې خونړي بریدونو ته دوام ورکړی.

جېمز مېټیس خبریالانو ته وویل هغه د دغو ځواکونو کره شمیره په ډاګه کول نه غواړي خو دومره به ووايي چې له ۳۰۰۰ زیات پوځیان افغانستان ته استوي.

د نوموړي په وینا زیاتره پوځیان یې افغانستان ته پر لاره دي او ځینې نورو ته یې هم د تللو امر شوی دی.

خو د جېمز مېټس په وینا ، له دې زیات معلومات ځکه نه ورکوي چې هسې نه دښمن ته ترې ګټه ورسي.

امریکا د ناټو پر ملګرو هېوادونو هم ټینګار کوي چې په افغانستان کې دې د خپلو ځواکونو شمیره زیاته کړي.

په افغانستان کې لا له وړاندې خوا اوشا ۱۱۰۰۰ امریکايي عسکر موجود دي.

د مشال ویډیوګانې، انځورونه

انځورونه، ویډیوګانې

تفصیل...
XS
SM
MD
LG