'د کوټې پر شهیدانو وکیلانو کتاب لیکم'
د ۲۰۱۶م کال په اتم اګست د کوټې سیویل هسپتال کې په یوه ځانمرګي برید کې د وژل شویو وکیلانو، خبریالانو او عادي وګړیو لومړی تلین په ویر او درناوي سره لمانځل کېږي. سیدعبدالرب آغا چې په هغه ناورین کې یې خپل یوازنی زوی ضیاء الدین ایډوکېټ بایللی وو، د مشال راډيو خبریال ایوب ترین ته وویل، پوره یو نسل وکیلان مو ووژل شول او زیاتوي چې د هغوی ژوندي ساتلو لپاره د هغوی ژوندلیکونه یې راټول کړي او یو کتاب پر لیکي.