ځايي چارواکو مشال ريډيو ته نن وويل چې دې پېښه کې د مبارک شاه په ګډون څلور پوليس ووژل شول او د هغوی ډريور زخمي شو. جماعت الاحرار وسله والې ډلې د دې بريد زمه واري منلې ده.
د بلوچستان وزيراعلی نواب ثناالله زهري په يوه بيان کې دا بريد غندلی دی او د پلټنو حکم يې کړی دی. وزیر اعلی زیاته کړې چې دا د ترهګرۍ پېښه ده چې موخه یې په خلکو کې وېره زياتول دي خو حکومت به د ترهګرو دغه ډول ټولې هڅې ناکامه کړي.
د تېر ګل (دوشنبه) په ورځ د بلوچستان په چمن کې په يوه چاودنه کې د قلعه عبدالله ضلعې پولیسو مشر ایس ایس پي ساجد خان مومند وژل شوی وو. د چارواکو په وينا په دې پېښه کې اته ولسي وګړي او درې امنيتي سرتيري ژوبل شوي هم وو.
هغه مهال مشال راډیو سره په خبرو کې د بلوچستان پولیسو یو چارواکي اکبر خان ويلي وو چې دا ځانمرګی بریدو وو.د دې حملې زمه واري چا نه وه منلې.
د کوټې د نني بريد ويډيو