تبسم عدنان وايي ، دوه ډزه ورباندې شوي وو خو نوموړې لږ بچ پاته شوې وه او وسله وال د نوموړې د ساتونکو تر ډزو ورسته تښتېدلي وو.
تبسم عدنان په ۲۰۱۵م کال کې په امریکا کې د زړورې ښځې نړیواله جایزه اخیستې وه.
تبسم عدنان مشال راډیو ته وویل چې له تېرې څه مودې راهسې نامالومه کسان هغې ته د مېرمنو د حقونو لپاره پر مبارزه دهړکې ورکوي.
دا وايي چې په دې اړه یې په تاڼه کې رپوټ هم کړی دی.
د تبسم عدنان په وینا ، د داسې بریدونو په وسیله څوک هغه د مېرمنو لپاره به حق غوښتنې نشي پرشا کولای.
نوموړې وویل چې د بې وزله ښځو لپاره حق غوښتل یې د ژوند مقصد ګرولی دی او په هیڅ صورت به یې نه پرېږدي.
د سيدو شريف د پوليس تاڼې محرر مشال راډيو ته وویل چې تبسم عدنان په وينا یې د نامالومو وسله والو پرضد مقدمه درج کړې ده.
