د هلمند د والي ویاند وايي د کابل بانک مخ ته په ترسره شوي موټر بم برید کې په وژل شویو او ټپیانو کې ولسي افغان وګړي هم شامل دي.
هغه ازادۍ راډیو ته وویل د یوشمېر ټپیانو حالت مرګونی دی خو ټول ژوبل کسان یې د لښکرګاه ایمرجنسۍ روغتون ته رسولي دي.
د پنجشنبې غرمه مهال د یوه ځانمرګي موټر ـ بم د هغه افغان سرتېرو او وسایلو په منځ کې والووت چې د کابل بانک مخې ته د خپلو معاشونو اخېستلو لپاره ولاړ ول.
څو میاشتې وړاندې د هم دغه بانک مخ ته پر هم دې ځای موټر-بم برید شوی وو چې شپاړلس کسان يې وژلي ول او په لسګونو نور يې ژوبل کړي ول.
