د شمالي وزیرستان په شوال کې د امريکا په یو ډرون بريد کې دوه وسله وال وژل شوي دي.
امنيتي چارواکو مشال راډيو ته وويل چې د چارشنبې ورځ ماځيګر مهال د شمالې وزيرستان د شوال په ګورویک سيمه کې د وسله والو پر یوه پټنځای دوه توغندي توغول شوی دي.
چارواکیو په بريد کې د وژل شويو وسله والو نومونه نه دي په ډاګه کړي.
بلخوا د مجلس عسکري وسلوالې ډلې وياند مشال راډيو ته ويلي دي چې ډرون بريد د دوی په مرکز شوی چې په کې دوه تنه وژل شوي دي.
دا په شمالي وزيرستان کې په روان کال کې دويم امريکايي ډرون بريد دی.
