د لاسرسي ځای

پېښور: زده کونکو د پاړه چنار چاودنې خلاف مظاهره وکړه


فایل فوټو

د قبایلي سیمې کرمې اېجنسۍ لسګونو زده کونکیو د یکشنبې په ورځ د پریس کلی مخې ته د مظاهرې په ترڅ کې په پاړه چینار کې ترسره شوی برید وغندلو او له حکومته یې غوښتنه وکړه چې د ترهګرۍ د مخنیوي لپاره دې کوټلي ګامونه پورته کړي.

د پاړه چنار فیاض علي چې په اسلامیه کالج کې سبق وايي، مشال ریډيو ته یې وویل، د ترهګرۍ د پېښو د مخنیوي په لړ کې حکومت یو ځلي بیا ناکامه شوی دی.

د کرمې علي جان چې د امامیه سټوډنټس ارګنایزیشن مشر هم دې، مشال ریډیو له لارې یې دا غوښتنه هم وکړه چې حکومت دې په سیمه کې د هسپتالونو نظام ښه کړي، ځکه چې هلته بار بار دوی د ترهګرۍ ښکار کیږي او بیا دوی د علاج لپاره پېښور او یا نور سیمو ته سفر کوي.

په دې مظاهره کې یو شمېر هغه ځوانان هم شامل وو چې د پاړه چینار په دې پیښه کې يې خپل خپلوان مړه او یا ژوبل شوي وو.

د کوزې کرمې سهیل عباس مشال ریډيو ته وايي، د دوی په لسګونو کسان له دې وړاندې هم ووژل شول خو حکومت ته یې هیڅ فکر نشته چې د دې مخنیوی یې وکړي.

په پاړه چینار کې د هفتې په سحر دغه چاودنه عید ګاه سره نږدې په سبزي منډيۍ کې شوېده چې په کې ۲۴ عام وګړي مړه او له پنځوسو زیات نور زخمیان شويدي.

XS
SM
MD
LG