د سعودي عرب بهرنیو چارو وزیر عادل الجبیر ویلي، هیله من دې چې د امریکا منتخب ولسمشر ډونلډ ټرمپ به داعش ضد جګړې او د ایران په ګډون په نړی کې د امریکا اغیز بیا پرځای کولو لپاره کار وکړي.
عادل جبیر د دوشنبې په ورځ په پيریس کې خبریالانو ته وویل، د امریکا راتلونکې انتظامیې په اړه ښه امیدونه لري او سعودي عرب له امریکا سره په هغو ټولو برخو کې کار کولو ته تیار دی چې د دواړو هېوادونو لپاره مهمې دي.
نوموړي زیاته کړه، سعودي عرب د داعش ماتې او پر ایران د امریکا فشار غواړيځکه چې د دغه هېواد د ناسمو پالیسیانو له وجې سیمې ته زیان رسېږي.
