د پاکستان او افغانستان تجارت۷۰ فيصده کم شوی
د افغانستان د سوداګرۍ او صنايعو خونې مشر خان جان الکوزی وايي په تېر يوه کال کې د افغانستان او پاکستان تر منځ تجارت کې شاوخوا اویا فیصده کموالی راغلی دی. نوموړي دا خبره د مشال راډیو له خبريال باز محمد عابد سره په ځانګړې مرکه کې کړې ده. له خان جان الکوزي په سر کې پوښتل شوي چې له ګاونډیو هېوادونو سره کړکېچونو د سوداګرو پر اقتصاد څومره اغېز کړی دی؟