وطنيار: کندهار کې د تياتر له لارې سولې لپاره کار کوو
د افغانستان کندهار ولايت په تاريخي لحاظ د هنرونو د ودې ځای وو. خو تېرو څلويښتو کلونو کې جګړو ډير ځپلی دی چې له وجې يې خلک که څه هم ستونرې لري خو ځوانان يې کوشش کوي چې ورو ورو ولس د پرمختګ پر لور روان کړي. دوی کې د کندهار فلم او نندارې په نامه مرکز يو مشر جاويد احمد وطنيار هم دی. دوی تر ډيره د تياتر له لارې د ښه پيغام والا هنري کارونه کوي. وطنيار سره مو د مشال ريډيو د سولې پر لور خپرونې لپاره مرکه وکړه او په سر کې مو ترې وپوښتل چې تيټر ډرامو کې کوم موضوعات رانغاړي.