کریموف څو ورځې مخکې مغزې سکته کړې وه. د ازبکستان د دولتي تلویزون له خوا د دې هېواد د کابینې او پارلمان هغه اعلامیه خپره شوه چې په کې کریموف ”ستر تاریخي شخصیت “ بلل شوی.
” هم هغسې چې زموږ د ګران ولسمشر ارزو وه، نوموړی به له اسلامي اصولو سره سم د سیپټمبر په دریمه نیټه د هغه په اصلي ښار ثمرقند کې چیرې یې چې مور و پلار ښخ دي خاورو ته وسپارل شي.“
د ازبکستان لومړی وزير شوکت میرزیایف د ښاغلي کریموف د ښخولو مراسمو د تنظیمولو کمیسون مشر ټاکل شوی دی.
افغان ولسمشر اشرف غني د ازبکستان د ولسمشر اسلام کریموف په مړینه خپګان ښودلی.
اشوشیتید پریس خبري اژانس د افغان چارواکو له خولې ویلي چې اشرف غني به نن د شنبې په ورځ د اسلام کریموف د تدفین په مراسمو کې ګډون وکړي.
