پوښتنه دا ده چې ایا وفاقي حکومت او د پاکستان امنیتي ایسټېبلیشمېنټ په ریښتیا په قبایلي سیمو کې اصلاحات عملي کول غواړي؟
د قبایلي سیمې له باجوړه د پارلېمان پخوانی غړی اخونزاده چټان وايي ـــــــ د حکومت د اخلاص اندازه خو له دې لګېږي ـــــ چې د اصلاحاتو لپاره په جوړه شوي کمیټۍ کې د قبایلي ولس استازیتوب نشته.
نوموړی زیاتوي په قبایلي سیمو کې د اصلاحاتو لپاره اصلاحاتي کېمټۍ، فاټا سېکریټرېټ او پوځ خپلې خپلې سيارښتنې استولې دي ــــــ او د خوند خبره دا ده چې دې درې -واړو په خپلمینځ کې هېڅ مشوره هم نه ده کړې.
خو د قبایلي سیمو د پارلېماني غړیو مشر الحاج شاه جې ګل بیا وايي ـــــ حکومت په څوارلسم اګست د اصلاحاتو د اعلان تیاري نیولې وه خو د وزیراعظم ناروغي او په کوټه کې تر خونړي برید وروستو دغه اعلان وځنډېدو.
د قبایلي سیمو د وکیلانو اتحادیې پخوانی مشر اعجاز مومند وايي ـــــ دوي هیله لري چې حکومت به زر تر زره د قبایلي سیمو د حیثیت مقررولو لپاره د اړینو اصلاحاتو اعلان وکړي خو که داسې و نه شو نو دوی به یو ځل بیا په احتجاج لاسپورې کوي.
د یادونې وړ ده چې د پاکستان په وجود کې له رتلو راهیسې حکومت په قبایلي سیمو کې د اصلاحاتو لپاره وخت په وخت کمېټۍ جوړې کړې دي خو تر اوسه یې هېڅ نتیجه نه ده راوتلې.
