پخوانی ګورنر- فاټا اصلاحاتي کميټۍ قبايلي پښتانه تقسيم کړل
د خيبر پښتونخوا ګورنر اقبال ظفر جګړا ويلي چې د قبايلي سيمو د انتظامي او ايني حيثيت بدلولو په اړه د پاکستاني وزيراعظم نواز شریف لخوا د جوړې شوې کمېټۍ راپور به د اګست په مياشت کې اعلان شي. د وزيراعظم د بهرنيو چارو سلاکار سرتاج عزيز په مشری کې ددې کمېټۍ د ټولو قبايلي اېجنسيو سفرونه وکړل او په دې اړه يې د خلکو نظرونه راټول کړل. که څه هم راپور بشپړ شوی دی او تفصيل يې لا هم په رسمي توګه نه دی په ډاګه شوی خو ځينې برخې يې په پاکستاني مطبوعاتو کې خپرې شوې دي. ايا په ډاګه شوي مالومات د قبايليي سيمو خلکو لپاره دمنلو وړ دي او که نه؟ دا او نورې پوښتنې د مشال تر رڼا لاندې اوونيز بحث کې د فاټا له سنېټر صالح شاه، د خيبر پښتونخوا پخواني ګورنر انجينېر شوکت الله، په قامي اسمبلۍ کې د فاټا پخواني پارلېماني مشر حاجي منير اورکزي او د فاټا سياسي اتحاد پخواني او د پېپلز ګوند د فاټا اوسني مشر اخوندزاده چټان سره څېړل شوې دي. د بحث کوربه عبدالحی کاکړ دی.