پراګ: ځوان افغان سوک وهونکي هلمند الکوزي په چک جمهوریت کې په خپل وزن کې د سوک وهلو اتلولي وګټله.
هلمند الکوزي پرون چکي اتل ییژي یاروش ته په نهورونډونو کې ماتې ورکړه او په ۶۶ کیلوګرامه وزن کې یې د چک جمهوریت د بوکس اتلولي خپله کړه.
په چک جمهوریت کې میشت هلمند الکوزی د ازادۍ راډیو د پخواني همکار مرحوم جان اقا الکوزي ځوی دی.
هلمند الکوزي مشال رادیو ته وویل چې په دې لوبه کې د ده سیال هغه سوک وهونکی – بوکسر – وو چې تر ده یې اووه زیاتې مسلکي لوبې کړې وې.
هلمند الکوزی به تر هغه وخته دا اتلولي له ځان سره ساتي چې بل لوبغاړي ماتې نه وي ورکړې.