د خېبر ایجنسۍ پولیټیکل انتظامیه وایي، تېر ماښام پر تورخم پوله د پاکستان او افغان امنیتي ځواکونو ترمنځ یو ځل بیا نښته شوې، چې په نتیجه کې یې دواړو خواوو ته مالي او ځاني تاوانونه اوختي دي.
د چارواکو په خبره، دغه نښته هغه مهال پیل شوه چې د پاکستان امنیتي ځواکونو یو ځل بیا په تورخم کې د دروازې يا ګیټ لګولو تعمیراتي چارې پيل کړې.
خو نن د سېشنبې په سهار را په دېخوا جګړه نشته، د لواړګي په بازار کې لګول شوې کرفيو ختمه کړل شوې، خو په تورخم کې لا هم خلکو ته اجازه نشته چې له خپلو کورو او ځايونو بهر ته ووځي.
