"د ښځو خونديتوب قانون د مذهب نه بلکې د مرد سالارۍ خلاف دی"
د ښځو خونديتوب قانون د مذهب نه بلکې د مرد سالارۍ خلاف دی. د ښځو خونديتوب د قانون په اړه د پنجاب حکومت او مذهبي ګوندونو ترمنځ لا هم اختلاف ختم شوي نه دي. دغه قانون پنجاب اسمبلۍ شاوخوا دوې اونۍ وړاندې په متفقه توګه منظور کړی و. د هېواد شاوخوا ۳۰ مذهبي ګوندونو قانون رد کړ او دا يې غير اسلامي اوغير شرعي وبللی. په دې اړه عبدالحي کاکړ د امريکا په آسټن پوهنتون زده کوونکې اغلې اوربلې چې د اسلام په رڼا کې د صنفي چارو پر موضوع ډاکتري کوي،سره مرکه کړې ده. له هغې پوښتل شوي چې د دې په فکر مذهبي ګوندونه ولې د قانون مخالفت کوي؟