د لاسرسي ځای

تازه خبر

پاکستان کې ۴۷ فیصده ماشومان سکولونو ته نه ځي


پاکستان کې ۴۷ فیصده ماشومان سکولونو ته نه ځي
تم شئ

هېڅ میډیايي سرچینه اوس نشته

0:00 0:04:25 0:00
د ډاېرېکټ لېنک

پراګ: د پاکستان حکومتي شمېرې ښيي، په دې هيواد کې شا و خوا دوه کروړه څلويښت لکه ماشومان له سکولونو بهر دي. دا خبره په پاکستان کې د تعليمي پرمختګ لپاره د کارکونکې غير دولتي ادارې – الف علان – په هغه رپورټ کې شوې چې د فبرورۍ پر ۲۶مه نېټه خپور شوی دی. په سوات کې د دې ادارې يوه چارواکي جواد اقبال نن (شنبه) مشال راډيو ته وويل چې په خېبر پښتونخوا کې د ۲۰۱۴م کال پرتله په ۲۰۱۵م کال کې له تعليمه د ماشومانو په بې برخې کېدو کې زياتوالی راغلی دی . د جواد اقبال په وینا ، په قبايلي سيمو کې هم ۶۰ فيصده ماشومان سکولونو ته نه ځي چې زياتره شمېره پکې د نجونو ده. نوموړي وویل چې په خیبر پښتونخوا کې هره ورځ ۱۸ فیصده ښوونکي سکولونو ته نه حاضریږي. د الف اعلان په دې رپوټ کې ويل شوي چې له شاوخوا – پنځه کروړه ديرش لکه – ماشومانو څخه چې عمرونه یې د پنځو او شپاړس کلونو تر منځ دي ، 47 فيصده یې له تعليمه بې برخې دي. د الف اعلان له چارواکي جواد اقبال سره د مشال راډیو خبریال اسرار عالم مومند مرکه کړېده. د جواد اقبال مرکه دلته واورئ

XS
SM
MD
LG