په پاکستان او افغانستان کې د زلزلې شېبه په شېبه راپور

د خیبر پښتونخوا د اعلا وزیر مشاور مشتاق غني وايي، په پښتونخوا او قبایلي سیمو کې تر اوسه ورته د شاوخوا ۱۰۰ کسان وژل شوي دي. دی وايي، زلزلې تر ټولو زیات تاوان ملاکنډ ډېوېژن ته رسولی دی.

خو د خیبر پښتونخوا ګورنر مهتاب خان عباسي وايي، په قبایلو او پښتونخوا کې شاوخوا ۷۰ کسان وژل شوي دي.

په کواټ کې په زلزله کې ځېنې کورونو او ودانیو ته تاوان رسېدلی دی. چارواکي وايي، په کواټ ښار کې تر اوسه ۱۴ کسان ژوبل دي.

په کورمه کې پینځه کسان ژوبل شوي دي.

تازه خبر (لا د خبر جزییات یا تفصیل چارواکو نه دی تایید کړی): د زلزلې له کبله په شانګله ۱۷ کسان وژل شوي دي. رپورټونه وايي، په سیمه کې ځېنې کلي ړنګ شوي دي.