- لیکوال/لیکواله خالد خان
غیر رسمي اټکلونه وايي چې په خیبر پښتونخوا کې د زلزلې له کبله شاوخوا ۱۹ کسان وژل شوي او له ۴۰۰ زیات ژوبل دي.
- لیکوال/لیکواله رابعه اکرم خان
د خیبر پښتونخوا د پېښور په پوهنتون کې د طبیعي ناورینونو څانګې استاد ډاکتر امین نواز خان وايي، د اکتوبر د ۲۶مې تر زلزلې وروسته د وړو زلزلو راتګ وېره هم ده. دی وايي، داسې ښکاري چې زلزلې به زیات تاوان خیبر پښتونخوا او د افغانستان په شمال ختیځ کې پرتو سیمو ته اړولې وي ځکه چې مرکز یې د هندوکش په غرونو کې وو. له نوموړي سره پوره مرکه دلته واورئ.
- لیکوال/لیکواله پامیر ساحل
يوې زورورې زلزلې چې مرکز يې په بدخشان کې ښودل شوى نن له غرمې وروسته د کابل په ګډون د هېواد ډېرې برخې سختې ولړزولې.
د افغانستان د طبیعي پېښو پر وړاندې د دولت د وزیر ویس برمک له مشال راډيو سره په خبرو کې یوازې د لسو ماشومانو د وژل کېدو خبر تایید کړ.
خو د ننګرهار د عامې روغتیا رییس نجیب الله کاموال مشال راډيو ته وویل چې دوی ته تر اوسه د شپږ کسانو جسدونه او ۶۹ زخمیان انتقال شوي.
له بلې خوا د تخار د والي ویاند سنت الله تیمور وویل چې د ښار اړوند په بي بي هاجرې لېسې کې د ودانۍ د نړیدو له امله ۱۲ زده کوونکي وژل شوي او ۳۰ دټپیان دي.
نوموړي وویل چې د تخار په یو شمیر نورو ولسوالیو کې لس نور کسان هم ټپیان شوې دي.
د زلزلې شدت د رېښتر په ۷،۷ ښودل شوی.