پېښور: د جمعې پر لمانځه د طالبانو برید ۱۹ تنه ووژل، ګڼ ژوبل
د پېښور په حيات اباد کې نن د جمعې ورځ په یوه امام بارګاه کې د وسلوالو طالبانو ډله ییز برید په چاودنو او ډزو کې نولس کسان وژل شوي او تر څلوېښتو زیات ژوبل دي. له پېښوره د مشال راډيو خبريال د پوليس چارواکو له خولې وايي، پيښه د حيات اباد په پنځمه محله د امامیيه مسجد امام بارګاه کې رامنځ ته شوې، دوی زیاتوي لومړی وسلوالو په امام بارګاه لاسي بمونه غورځولي او بيا يې ډزې کړې. د برید پر مهال خلکو د جمعې لمونځ کاوه.