'د دانګام جګړه به نژدې ۴ زره کورنۍ بې ځایه کړي'
د کونړ ولایت په دانګام ولسوالۍ کې د افغان ځواکونو او وسله والو مخالفینو ترمنځ نښته له دوو اونیو هم واوښته او لاهم په دغې ولسوالۍ کې د جګړې اور بل دی. د کونړ ولایت چارواکي وايي چې دغه جګړې د دانګام اوسیدونکو ته درانه تاوانونه ور اړولي او په سلګونه کورنۍ د خپلو کورونو پرېښودلو ته اړې شوې دي. د کونړ ولایت سرپرست والي شجاع المک جلاله د یکشنبې په ورځ رسنیو سره د خبرو پر مهال وویل، اټکل کېږي چې په زرګونه نورې کورنۍ هم د سیمې پرېښودلو ته اړې شي.