د خېبر پښتونخوا سوات قامي کانفرنس له پاکستاني وزير اعظم او د پوځ له مشر غوښتنه کړې چې په سيمه کې دې د پوځي چاوڼۍ د جوړولو فيصله بيرته واخلي.
دا غوښتنه د زيارت پر ورځ مينګوره پريس کلب کې د سوات قامي جرګې تر سيوري لاندي په يوه غونډه کې وشوه.
له غونډی وروسته د سوات قامي جرګې يو مشر خواجه محمد خان د کانفرنس متفقه غوښتني له رسنيو سره شريکي کړې.
قامي کانفرنس دا غوښتنه هم وکړه چې پوځ دې يوازې د ترهګرۍ پر چارو توجه وکړي او نور واک واختيار دي ولسي انتظامي ته وسپارل شي.
