باړېوال وايي، د پېښور پولیس یې تنګوي
د خېبر ایجنسۍ باړې خلک شکایت کوي چې په پېښور کې ورسره پولیس ښه چلند نه کوي،او پر چېک پوسټونو یې بې ځایه تنګوي. دوی وایي چې یو خوا په باړه کې د پوځي عملیاتو او بد امنۍ له امله ځپل شوي دي او بل خوا ورته د باړې او پېښور ترمنځ په تګ راتګ کې د پولیسو له خوا ډېر مشکلات پیدا شوي دي. دوی وایي، چې د پېښور پولیس دې د دوی له تنګولو ډډه وکړي. د مشال ریډیو خبریال فرهاد شینواري یې راپور رالېږلی