له هغ حکومت سره ولاړ یو چې ترهګرۍ وټکوي
د یکشنبې یا اتوار پر ورځ په پېښور کې د عیسایانو پر یوې کلیسا یا ګرجا له غبرګو ځانمرګو بمي بریدونه ورستو چې په کې تر ۲۰۰ زیات کسان مړه او ژوبل شول. د ځېنو ګوندونو غړي او کارپوهان وايي چې حکومت دې د مذاکراتو پر ځای له عملياتو کار واخلي. د عوامي نېشنل پارټۍ یو مرکزي مشر میا افتخار حسېن له مشال راډيو سره په خبرو کې وویل، د دوی ګوند له هغه حکومت سره ولاړ دی چې له ترهګرو سره مقابله وکړي.