طارق اورکزی (هنګو): - د خيبر پښتونخوا په هنګو کې نامالومو کسانو د میر رحمان په نامه د یو کس پر کور برید کړی او د چارواکو په خبره د هغه د کورنۍ د دريوو ښځو په شمول يې اوه غړي وژلي.
پولیس وايي چې دغه پیښه بيګا (چارشبنې په شپې) شاو خوا دوه نیمې په باکرو بانډې
کې رامنځته شوه. د بريد په وخت وژل شوي کسان ويده وو. دې پيښه کې يوه ښځه هم زخمي شوي ده.
د هنګو د صدر تاڼې د پوليسو مشر (ایس ایچ او) عابد خان نن مشال ریډیو ته وویل چې د دې کور دوه ښځې چې بريد کې ورته کوم زيان نه دی اوښتی،د نامالومو کسانو په خلاف ايف، آيي، آر درج کړی.
عابد خان زياتوي: ((وژل شوو کې دوه سړي، درې ښځې او دوه ماشومان وو. په ماشومانو کې خظیمه د اتو او ياسمين د دولس کلونو وو.))
د نوموړي په خبره د ميررحمان کورنۍ له اورکزو څخه ډيره موده مخکې له هغې وروسته بې کوره او هنګو کې ميشته شول چې هلته د وسله والو خلاف پوځيانو عمليات وکړل.
پوليس زياتوي چې د دې خلکو د چا سره کومه شخصي دشمني نه وه او معلوميږي چې د ترهګرۍ پيښه ده.
د دغې پېښې پړه لا تر اوسه چا پر غاړه نه ده اخيستي.
هنګو ضلع د اورکزو او کورمې سره ليګدلې سيمه ده چې د دغو قبايلي سيمو ډير بې کوره شوي خلک پکې اوسيږي.
د تېرې مياشتې په پنځه ويشتم تاريخ وسله والو طالبانو د يو خط د لارې خلکو ته ويلي وو چې د جګړو او پوځي عملياتو له وجې بې کوره شوي خلک دې د هنګو د توغ سرای له کمپ څخه وځي او که نه وتل پر دوی به حملې وکړي.
پولیس وايي چې دغه پیښه بيګا (چارشبنې په شپې) شاو خوا دوه نیمې په باکرو بانډې
کې رامنځته شوه. د بريد په وخت وژل شوي کسان ويده وو. دې پيښه کې يوه ښځه هم زخمي شوي ده.
د هنګو د صدر تاڼې د پوليسو مشر (ایس ایچ او) عابد خان نن مشال ریډیو ته وویل چې د دې کور دوه ښځې چې بريد کې ورته کوم زيان نه دی اوښتی،د نامالومو کسانو په خلاف ايف، آيي، آر درج کړی.
عابد خان زياتوي: ((وژل شوو کې دوه سړي، درې ښځې او دوه ماشومان وو. په ماشومانو کې خظیمه د اتو او ياسمين د دولس کلونو وو.))
د نوموړي په خبره د ميررحمان کورنۍ له اورکزو څخه ډيره موده مخکې له هغې وروسته بې کوره او هنګو کې ميشته شول چې هلته د وسله والو خلاف پوځيانو عمليات وکړل.
پوليس زياتوي چې د دې خلکو د چا سره کومه شخصي دشمني نه وه او معلوميږي چې د ترهګرۍ پيښه ده.
د دغې پېښې پړه لا تر اوسه چا پر غاړه نه ده اخيستي.
هنګو ضلع د اورکزو او کورمې سره ليګدلې سيمه ده چې د دغو قبايلي سيمو ډير بې کوره شوي خلک پکې اوسيږي.
د تېرې مياشتې په پنځه ويشتم تاريخ وسله والو طالبانو د يو خط د لارې خلکو ته ويلي وو چې د جګړو او پوځي عملياتو له وجې بې کوره شوي خلک دې د هنګو د توغ سرای له کمپ څخه وځي او که نه وتل پر دوی به حملې وکړي.
