د خیبر پښتونخوا حکومت یو ځل بیا د پاکستان له وفاقي حکومته د برېښنا ورکوونکې ادارې او د برېښنا پیدا کولو واک صوبې ته د ورکولو غوښتنه کړې ده.
تېر ماښام د صوبايي کابینې تر غونډې وروسته د پښتونخوا اطلاعاتو وزیر شاه فرمان وویل، وزیر اعلا پروېز خټک د دوو بېلو لیکونو له لارې له وزیر اعظم او د اوبو او برېښنا له وفاقي وزیره د صوبې د برېښنا جوړونې، وېش او تنظیم ټول واک غوښتنه کړې ده: کټ
تر دې مخکې وړمه شپه وزیر اعظم نواز شریف یوازې د صوبې برېښنا وېشلو ادارې پېسکو واک پښتونخوا ته سپارلی وو خو اعلا وزیر پروېز خټک د دې واک له اخیستو انکار وکړ او و یې ویل چې د برېښنا ټولې چارې سمبالول غواړي.