د مصر د پوځ مشر او د دفاع وزیر جنرل عبدالفتاح السیسي د دې هیواد له خلکو غوښتې دي چې د جمعې په ورځ دې د پوځ د هغه اقدام په ملاتړ کوڅو ته راووځي او مظاهرې دې وکړې چې نوموړی يې د ورانکارۍ او ترهګرۍ په ضد مبارزه ګڼي.
نوموړي دا غوښتنه په داسې حال کې کړې چې وار د مخه لا د دې هيواد د پخواني ولسمشر محمد مرسي پلويانو د پوځ په ضد لاريونونو ته دوام ورکړی دی.
السیسي د خلکو له پراخو مظاهرو وروسته د روانې میاشتې په دریمه نیټه مرسي له واکه لرې کړ.
د مشال راډیو همکار احمد شاه اعظمي په دې اړه د منځني ختيځ د چارو له یوه کتونکي نجم الله برهاني سره مرکه کړې او په لومړي سر کې ترې پوښتلي چې د السيسي دا بيان به مصر پر کوم لور بوځي؟ برهاني په ځواب کې وايي.....
