د لاسرسي ځای

تازه خبر

د نېلسن منډېلا ۹۵ مه کلیزه


نېلسن منډېلا

په 1993 کې نېلسن منډېلا ته د اپارتایډ سیسټم چې پکې د تور پوستو سره امتیازي سلوک کېدلو، د له مینځه وړلو په خاطر ورته د نوبل امن انعام هم ورکړل شو.

په جنوبي افریقا کې خلک نن د زیارت پر ورځ په سندرو، نڅاګانو، له مینې او دعګانو ډکو پیغامونو سره د خپل پخواني تور پوستي ولسمشر نېلسن منډېلا کالیزه لمانځي.


سږ کال د نېلسن منډېلا ۹۵مه کلیزه له عزت او درناوي سره په ټول ملک کې په داسې حال کې لمانځل کیږي چې نوموړی د سږیو ( پړپوس (د اوږدې ناروغي له امله په روغتون کې تر درملنې لاندې دی.

نیلسن منډیلا په کمعمرۍ کې له تور پوستو سره د سپین پوستو د بدسلوکۍ خلاف په تحریک کې شامل شو او په 1942 کې د جنوبي افریقا د کانګریس غړی شو.

تر شلو کالو لپاره نوموړي د هیواد حکومت د نسلپرست سیاست خلاف پر امنه کمپین وکړ.د خپل آواز پورته کولو لپاره نوموړي 27 کاله د قید سزا تېره کړه.

په 1990 مو کې هغه د هیواد لومړی تور پوستی ولسمشر منتخب شو چې د شخړو هوارولو او د امن په لړ کې یې ډېر کار وکړ.

په 1993 کې نېلسن منډېلا ته د اپارتایډ سیسټم چې پکې د تور پوستو سره امتیازي سلوک کېدلو، د له مینځه وړلو په خاطر ورته د نوبل امن انعام هم ورکړل شو.

په 1999 م کې که څه هم د نوموړي د واک موده ختمه شوه، خو له هغې وروسته د ایډز ناروغي خلاف کمپین کونکي لوړ رتبه سفیر په توګه مخې ته راغلی دی.د هغه د هلو ځلو له امله هیواد ېې د 2010م د فټبال نړیوال کپ د کوربه توب حق تر لاسه کړ.

په نورو هیوادونو کې په امن مذاکراتو کې هم نوموړی فعاله رول لوبولی دی، لکه کانګو، برونډي، او د افریقا نور هېوادونه، په تېرو دوه کالو کې نوموړي څو ځله په روغتون کې د علاج لپاره داخل شوی دی.

په 1980 مو کې د روبن ای لېنډ په جېل کې پخوانی ولسمشر د ټي بي په مرض اخته شو. خو په ورستیو کې ورته د سږیو او سا لنډی ناروغي پيدا شوه.

په جنوبي افریقا کې مېشت یو پښتون امین ایاز چې له مومندو سره تعلق لري، وايي چې د منډېلا کلیزه په ټول هېواد کې له جوش او جذبې سره لمانځل کیږي او ټول خلک ېې د ښه صحت دعا کوي.

مڼدیلا چې د خپلې قبیلې مدیبا په نوم هم یادیږي، د امن په لړ کې د هلو ځلو لپاره ملګري ملتونه د جولایي اتلسمه نېټه د نېلسن منډېلا د نړیوالې ورځ په توګه لمانځي.

په جوهانز برګ کې د نوموړي پخوانۍمیرمنې ویني مډیکیزیلا منډېلا د هغه په درنښت کې د دعا د یوه تقریب مشري هم وکړه چې د هغه تصویرنه یې راځوړند کړي ول، ځای پر ځای ډیوې بلې وې او ورته ګڼ شمېر ګلدستې هم ایښودل شوې وې

ځانګړې پاڼې

له موږ سره اړیکي

XS
SM
MD
LG