د سندرو امېل خپرونې پاڼې ته ښه راغلاست.
په دې وروستیو کې داسې اندېښنې څرګندېدې چې د انټرنېټ زیات استعمال له کبله به د پښتو سندرو بازار خراب شي.
پر دې سربېره بیا هم سندرغاړي بازار ته نوي البمونه را وباسي او خپل کار ته دوام ورکوي.
په دوی کې یو د پښتو پېژندل شوی سندرغاړی سرفراز دی چې یو نوی البم یې خپور شوی دی.
سرفراز وايي، د ده د نوي البم نوم (زېری) دی. دی وايي، په البم کې یې ځینې طرزونه خپل دي. دی وايي، له نوې موسیقۍ سره سره یې د پښتو دودیزې آلې هم په دې البم کې کارولې دي.
سرفراز وايي، د دې نویو سندرو په البم کې یې د ښو او نومیالیو شاعرانو شعرونه را اخیستي دي. دی وايي، د نویو سندرو ویډیو ګانې به هم ژر خپرې کړې.
د سندرو امېل په خپرونه کې د تل په څېر سندرې هم شته.
خپرونه د غږ (ږغ) په ځای کې اورېدای شئ.
