د جنوبي کوریا خبري اژانس یونهاپ وايي، د کای سونګ په صنعتي سیمه کې شا و خوا ۵۳۰۰۰ کار کوونکي نن کار ته نه دي تللي.
په دې کمپلېکس کې د دواړو کوریا ګانو کار کوونکي کار کوي او دا صنعتي سیمه د شریکې پولې په شمال کې ده.
خبري اژانس د جنوبي کوریا یووالي وزارت له طرفه ویلي، کار د شمالي کوریا بوټو نهالولو ورځې لمانځلو له کبله درېدلی دی.
دا لومړی ځل دی چې شمالي کوریا نن د دې ورځې په مناسبت رخصتي اعلان کړې ده.
شمالي کوریا د چارشنبې له ورځې راهیسې، په جنوبي کوریا کې دې صنعتي سیمې ته پرته له کار ګرانو د نورو خلکو تګ بند کړی دی.
هلته جنوبي کوریا ویلي، له کای سونګ سیمې خپلو کار ګرانو ایستلو ته تیاره ده. په ټاپو وزمه کوریا کې کړکېچ زیات شوی دی. د شمالي کوریا د اټومي حملې تر ګواښ وروسته جنوبي کوریا او د دې ملګري امریکا په سیمه کې دفاعي ګامونه اخیستي دي.
