د ولسي جرګې اداري پلاوی وایي، د کابینې د یولسو وزیرانو تر استیضاح وروسته به د دوی په اړه پریکړه وکړي.
نن ددې جرګې غونډې ته د اقتصاد، کانونو، سوداګرۍ او اطلاعاتو او فرهنګ وزیران ورغوښتل شوي ول چې د وکیلانو پوښتنو ته ځواب و وایي.
خو د دوی په اړه کومه پریکړه و نه شوه.
دا وزیران ددې لپاره استیضاح کیږي چې د ولسي جرګې د مسولینو په وینا په ۱۳۹۰ لمریز کال کې یې له پنځوس فیصدو څخه کمه پراختیایی بودیجه مصرفه کړې ده.