پکتیا:- د طالبانو ضد ملي پاڅون پیل شو

د پکتیا په اریوب ځاځیو ولسوالۍ کی د وسله والو مخالفینو ( طالبانو ) پرضد ملي پاڅون پیل شو .

د پاڅون اصلي موخه داده چی بهرني او هغه وسله وال له خپلې سیمې وشړي چې ددوی مشران ، علما، استادان او قومي مشران پر پله پسې وژني.

دغه ملي پاڅون نن ګهیځ پیل شوی او ډیری سیمې یې له وسله والو پاکې کړي دي خو د مرګ ژوبلې په اړه یې لا کره معلومات نشته .

د طالبانو پر ضد ملي پاڅون له هغې وروسته پیل شو چې څه موده وړاندې هغوی د اریوب ځاځیو یو مخور دیني عالم ظهور الدین چی یوه دیني مدرسه یې درلوده شهید کړ.

وروسته له هغه قاري عبدالرزاق ، د رقیانو دلېسې یو تکړه استاد نورالله خان او همدارنګه د یاد ښوونځي دوه تنه ساتونکي یې هم ووژل.

د سیمې ځايي اوسېدونکي وايي، چې د وسله والو طالبانو له کړنو ترپوزې راغلي او نن یې پر ضد ملي پا څون پیل کړ.

دا په داسی حال کی ده چې مخکې تر دې په غزني ، فاریاب ، ننګرهار او لغمان کې هم د طالبانو پرضد ورته پاڅونونه شوي دي.

رو ح الله سمون