د مذهبي نسخو د بې حرمتی پر ضد مظاهرې
په بګرام کې چې د بهرنیو ځواکونو تر ټولو لویه پوځي اډه بلل کیږي د مذهبي نشخو د بی حرمتۍ پر ضد د سې شنبې په ورځ هم په بګرام ولسوالۍ، کابل او ځینو نورو ولایتونو کې مظاهرې وشوې. د چهارشنبې په ورځ هم په پروان، لوګر، ننګرهار، نورستان، پکتیا، لغمان او کاپیسا ولایتونو کې مظاهرې وشوې، د کورنیو چارو وزارت ویاند صدیق صدیقي دا رد کړه چې په کابل کې پولیسو پرمظاهره کوونکو ډزې کړي، خو د عامې روغتیا وزارت دا مني چې یو شمېر ټپیان روغتون ته لېږدول شوي دي.