د کابل امنیې قومندانۍ وایي، هغه کس یي ونیوه چې نن سهار یي په کابل ښار توغندي وتوغول.
له دغې قومندانۍ څخه په خپره شوې خبرپاڼه کې راغلي چې ، دغه کس د کابل ښار د حسن ګوساله له پله څخه دوه توغندي د جرګې په خوا ور وتوغول چې وروسته پولیسو سیمه کې پلټنې پيل کړې او دغه کس یې ونیوه.
نن سهار دوه توغندي په کابل ښار کې ولګیدل، چې یو توغندی د سرسبزي په څلور لارې او بل د باغ بالا په سیمه کې لګیدلی چې یو ملکي کس په کې سرسري ټپي شوی وو.
د حزب اسلامي یوه ویاند زبیر مشال ریډیو ته وویل، چې دغه توغندي دوی توغولي.
د طالبانو ویاند ذبیح الله مجاهد بیا وایي، چې تیره شپه یې د جرګې په سیمه یو توغندی توغولی چې امنیتي چارواکو تر اوسه په دې اړه څه نه دي ویلي.
