د لاسرسي ځای

له لیبیا څخه رارسېدلي رپوټونه وايي چې د ليبيا پخوانى مشر معمر القذافي ووژل شو. راپورونه وايي چې قذافي په خپل پلرني ټاټوبي سرت ښار کې د نيول کېدو وروسته د لنډمهالې ادارې ځواکونو ووژلی .په یو شمېر نړیوالو ټي وي ګانو کې د هغه مړی ښودل کېږي.

د لیبیا د لنډمهالې ادارې د اطلاعاتو وزیر محمود شمان قذافي هله ووژل شو چې کله یې په خپل پلرني ښارګوټي سیرت کې د فراره کېدو هڅه کوله.

نړیوالو چېنلونو یو فلم وښود چې د وژل شوي قذافي هغه ښکاري.

په موبایل ټيلیفون اخیستل شوې ویډیويي فلم په ظاهره د معمر قذافي غوندې څېره ښيي چې په وینو کې لت پت دی خو دا نه ښکاري چې دی مړ دی کې زخمي دي.

وروسته د لیبیا د لنډمهالې ادارې لخوا یې کروه والی وشو چې ښودل شوی تصویر د قذافي دی.


د لیبیا د لنډمهالې اداره دا هم وايي چې د قذافي د یوه زوی متعصیم مړی هم په سیرت کې موندل شوی دی.

ناټو هم په خپله یوه اعلامییه کې وايي چې دوی پر یوه کاروان برید کړی چې له سیرته یې د وتو هڅه کوله.خو دوی د قذافي وژنه نه ده تایید کړې.
XS
SM
MD
LG