مشال راډیو
پراګ - په پاکستان کې د ترهګرۍ ضد عدالت د پنجاب د پخواني ګورنر سلمان تاثیر وژونکي ممتاز قادري ته د مرګ سزا اورولې ده.
په راولپېنډۍ کې د ترهګرۍ ضد عدالت قادري ته دوه ځله د مرګ او د ۲۰۰۰۰۰ روپۍ جرمانې سزا اورولې ده.
د ممتاز قادري د مقدمې اورېدنه د راولپېنډۍ په اډیاله زندان کې کېده.
سلمان تاثیر د روان (۲۰۱۱ز) کال د جنورۍ په څلورمه، خپل ساتونکي ممتاز قادري په اسلام اباد کې وژلی وو.
د پنجاب د وژل شوي ګورنر سلمان تاثیر انځور.
قادري ویلي ول چې سلمان تاثیر یې ځکه وواژه چې د اسلام د پیغمبر ص، سپکاوی یې کړی وو.
د معاملې د اورېدنې پر مهال، د ترهګرۍ ضد د عدالت قاضي جسټس سید پروېز علي شاه وویل چې ممتاز قادري په خپل بیان کې جرم منلی دی، او ویلي یې دي چې د سلمان تاثیر وژلو ته هیڅ کس نه دی لمسولی.
عدالت ویلي چې قادري په اووه ورځو کې د سزا پر ضد اپیل کولای شي.
کله چې ممتاز قادري، د پنجاب صوبې پخوانی ګورنر سلمان تاثیر وواژه نو تر دې وروسته عدالت ته په لومړي ځل د وړاندې کېدو پر مهال وکیلانو هغه ته په غاړه کې ګلان واچول او د هغه په حق کې یې نعرې ووهلې.
سلمان تاثیر د یوې عیسوۍ ښځې، آسیه بي بي، چې د پیغمبر د سپکاوي په تور تورنه ده، د هغې د سزا د بښلو هڅې کولې چې ووژل شو.
د سلمان تاثیر زوی شهباز تاثیر د اګست په میاشت کې نامالومه کسانو له لاهوره وتښتاوه او تر اوسه یې هیڅ پته نه شته چې چېرې دی او چا د کومو وجوهاتو پر اساس تښتولی دی؟
پراګ - په پاکستان کې د ترهګرۍ ضد عدالت د پنجاب د پخواني ګورنر سلمان تاثیر وژونکي ممتاز قادري ته د مرګ سزا اورولې ده.
په راولپېنډۍ کې د ترهګرۍ ضد عدالت قادري ته دوه ځله د مرګ او د ۲۰۰۰۰۰ روپۍ جرمانې سزا اورولې ده.
د ممتاز قادري د مقدمې اورېدنه د راولپېنډۍ په اډیاله زندان کې کېده.
سلمان تاثیر د روان (۲۰۱۱ز) کال د جنورۍ په څلورمه، خپل ساتونکي ممتاز قادري په اسلام اباد کې وژلی وو.
قادري ویلي ول چې سلمان تاثیر یې ځکه وواژه چې د اسلام د پیغمبر ص، سپکاوی یې کړی وو.
د معاملې د اورېدنې پر مهال، د ترهګرۍ ضد د عدالت قاضي جسټس سید پروېز علي شاه وویل چې ممتاز قادري په خپل بیان کې جرم منلی دی، او ویلي یې دي چې د سلمان تاثیر وژلو ته هیڅ کس نه دی لمسولی.
عدالت ویلي چې قادري په اووه ورځو کې د سزا پر ضد اپیل کولای شي.
کله چې ممتاز قادري، د پنجاب صوبې پخوانی ګورنر سلمان تاثیر وواژه نو تر دې وروسته عدالت ته په لومړي ځل د وړاندې کېدو پر مهال وکیلانو هغه ته په غاړه کې ګلان واچول او د هغه په حق کې یې نعرې ووهلې.
سلمان تاثیر د یوې عیسوۍ ښځې، آسیه بي بي، چې د پیغمبر د سپکاوي په تور تورنه ده، د هغې د سزا د بښلو هڅې کولې چې ووژل شو.
د سلمان تاثیر زوی شهباز تاثیر د اګست په میاشت کې نامالومه کسانو له لاهوره وتښتاوه او تر اوسه یې هیڅ پته نه شته چې چېرې دی او چا د کومو وجوهاتو پر اساس تښتولی دی؟
