د هند غوره لیګ یا انډيين پريميېر ليګ (ای پي اېل) په نوم د ۲۰ اووره کرکټ په لړ کې راجستان رایلز او چېنای سوپر کېنګز یو بل ته مخامخېږي.
د اسام ایالت د ګوهاټي په لوبغالي کې د مارچ ۳۰مې سیالي د پېښور پر وخت د ماښام پر اووه او د کابل پر شپږ نیمو بجو پیلېږي.
تر دې یوه ورځ مخکې ممبۍ انډیینز کولکته (کلکته) نایټ رایډرز ته په شپږو وېکټو ماتې ورکړه.
د ممبۍ په لوبغالي کې لومړۍ توپوهنه (بیټېنګ) وکړه او په ټاکلیو ۲۰ اوورونو کې یې د څلورو وېکټو په زیان ۲۲۰ منډې وکړې.
په ځواب کې ممبۍ انډیینز ټاکلی هدف د ۲۰م اوور په پیل کې د څلورو لوبغاړو په زیان پوره کړ.
د مارچ پر ۳۱مه پنجاب کېنګز او ګجرات ټایټنز لوبډلې له یو بل سره سیالي لري.
د ای پي اېل ۱۹م پړاو سیالۍ د مارچ پر ۲۸مه پیل شوې او لومړۍ لوبه د تېر کال اتلې رایل چیلېنجرز بینګلور (بنګلور) وګټله.
د ای پي اېل په سږنیو سیالیو کې ۱۰ لوبډلې برخه اخلي او ټاکل شوې چې پایلوبه یې د مې پر ۳۱مه نېټه کېږي.