د افغانستان د کندهار ښار د لومړۍ حوزې اړوند له نوي کابل بانک سره نن سهار (مارچ ۲۱مه) په چاودنه کې د وژل شویو کسانو شمېر ۱۹ ته رسېدلی.
د کندهار په میرویس روغتون کې یوې سرچینې د خپل نوم نه ښوولو په شرط مشال راډيو ته وویل چې د پېښې له ځای څخه روغتون ته ۱۹ مړي او ۱۸ ټپیان وروړل شوي دي. له دې مخکې په کندهار کې د طالبانو امنیه قوماندانۍ په یوه بیان کې د پېښې د مړو شمېر ۳ او د ټپیان شمېر يې ۱۳ تنه ښوولی وو.
#AFG “At least 8 people were killed. We have many wounded. We have asked residents to donate blood.” Health sources at Mirwais hospital in Kandahar city tells me.
— BILAL SARWARY (@bsarwary) March 21, 2024
په کندهار کې د طالبانو د امنیه قوماندانۍ ویاند ملا اسدالله جمشید رسنیو ته وویل چې دا یو ځان وژونکی برید ووچې د ښار په لومړۍ ناحیه کې د نوي کابل بانک د ودانۍ مخې ته وشو. د هغه په وینا د دې چاودنې ډېری قربانیان ملکي وګړي وو چې د کابل بانک له دې څانګې څخه د پیسو د ترلاسه کولو لپاره انتظار وو.
د دې برید پړه تراوسه کومې ډلې نه ده منلې خو له دې مخکې د کندهار د امام بارګاه په جومات کې د ځان وژونکې حملې په ګډون د دې ډول نورو حملو پړه د اسلامي دولت ډلې خراسان څانګې منلې ده.