په پاکستان کې د امریکا سفارت جنرال عاصم منیر ته د پوځ د مشر او جنرال ساحر شمشاد مرزا ته د پوځي مشرانو د ګډې کمېټۍ د مشر په توګه په ټاکل کېدو مبارکي ورکړې ده.
په اسلام اباد کې د امریکا سفارت د نومبر پر ۲۵مه په خپله رسمي ټویټر پاڼه په یو بیان کې د پاکستان د منتخبو استازو، پوځي مشرتابه او مدني ټولنې له برخه والو سره د خپل منځي چارو، سوداګرۍ، سرمایه کارۍ، ماحولیاتي بدلون او سیمه ییزه امنیت په چارو کې د کار هوډ څرګند کړی دی.
The U.S. Mission offers its congratulations to new Chief of Army Staff designate Lt Gen Asim Munir and new Chairman of the Joint Chiefs of Staff Committee designate Lt Gen Sahir Shamshad Mirza. 1/2
— U.S. Embassy Islamabad (@usembislamabad) November 25, 2022
دا په داسې حال کې ده چې وزیراعظم شهبازشریف هم د پوځ د سرلښکر د څوکۍ لپاره د جنرال عاصم منیر او جواینټ چیف اف سټاف کمیټۍ د مشرۍ لپاره د جنرال ساحر شمشاد مرزا د نومونو منظوري ورکړېده.
له دې وروسته، ولسمشر عارف علوي هم د دواړو نومونو رسمي منظوري ورکړه او د نومبر پر ۲۵مه د دوی د مقرریدو اعلامیه هم خپره شوې ده.