د ترکيې په سرښار انقره کې د پينځو افغانانو مړي موندل شوي دي.
د ترکیې دولتي انادولو اژانس او نورو رسنیو د نومبر پر ۱۰مه راپور ورکړ چې ترکي پولیسو د انقرې په التينداغ سیمه کې د دغو افغانانو مړي موندلي او داسې ښکاري چې په چړو وهل شوي دي.
د انقرې د والي دفتر پر خپله ټویټر پاڼه ليکلي د دغو پنځو بهرنیو اتباعو د وژنې په اړه پلټنې روانې دي.
Altındağ ilçemizde bir konutta meydana gelen ve yabancı uyruklu olduğu değerlendirilen 5 şahsın ölümüyle sonuçlanan müessif olay, Cumhuriyet Savcılarımızın nezaretinde bütün boyutlarıyla soruşturulmaktadır. Olayın sebebi ve failleri belirlendikçe kamuoyuyla paylaşılacaktır
— T.C. Ankara Valiliği (@AnkaraValiligi) November 10, 2022
د وژل شویو کسانو کورنۍ او خپلوانو پولیس او روغتیاپالان خبر کړي ول.
تر اوسه څرګنده نه ده چې ولې دا افغانان وژل شوي خو تر دې وړاندې هم د ترکیې په بېلابېلو سیمو کې د افغانانو د وژنې او ځورونۍ ځينې پېښې رامينځ ته شوي دي.
بلخوا په دا وروستيو کې د ترکیې پولیس هم تورن شوي چې په سرحدي سیمو کې يې ځينې افغانان د مرګ تر بریده وهلي چې په ناقانونه توګه هغه هېواد ته ور اوښتي ول.