د پاکستان چارواکي وايي، د سېنټورس شاپنګ مال په مشهوره کاروباري مرکز کې لګېدلی اور یې وژلی دی او په پېښه کې هېچا ته مرګژوبله نه ده اوښتې.
د اسلام اباد پرمختیايي چارو ادارې (کیپېټل ډېوېلپمنټ اتارټي یا سي ډي اې) پر ټوېټر پاڼه د اکتوبر نهمې تر پېښې وروسته لیکلي چې اور یې په دوو ساعتونو کې دننه وواژه.
سینٹورس مال میں لگی آگ پر قابو پالیا گیا، چیف کمشنر اسلام آباد کیپٹن عثمانسینٹورس مال پر لگی آگ کو دو گھنٹے کے آپریشن کے بعد کنٹرول کیا گیا، چیف کمشنر اسلام آباد کیپٹن عثمانآگ پر قابو پانے میں فائر بریگیڈ، نیوی، ائیر فورس، ریسکیو 1122 نے حصہ لیا، چیف کمشنر اسلام آباد
— Capital Development Authority Islamabad. (@CDAthecapital) October 9, 2022
پر ټولنیزو شبکو په خپرو شویو ویډیوګانو کې د سېنټورس مارکېټ په ودانۍ کې لمبې ښکاري، ورڅخه لوګي خېژي او خلک په وارخطایۍ کې په بیړه له ودانۍ وځي.
سي ډي اې وايي، د اور وژنې په عملیاتو کې د اور وژنې ادارې، پاکستان بحري او هوايي ځواکونو تر څنګ د ژغورنې ادارې (رېسکیو ۱۱۲۲) عملې هم برخه واخیسته.
د اسلام اباد انتظامي مشر پر رسمي ټوېټر پاڼه لیکل شوي چې د تخنیکي ډلې د ارزونې تر رپورټ پورې یې کاروباري مرکز احتیاطاً تړلی دی.
تر اوسه د اور لګېدو لامل نه دی معلوم خو چارواکو یې په اړه اووه کسیزه پلټنیزه کمېټي جوړه کړې چې ورته په راتلونکو درو ورځو کې د خپل رپورټ دایرولو امر شوی دی.