د افغانستان د کرکټ ملي لوبډلې نومیالي لوبغاړي راشد خان ویلي، له زلزله ځپلو لپاره یې څه باندې یو لک پاونډه چنده (بسپنه) ټوله کړې ده.
راشد خان د بسپنې ټولولو کمپاین انلاین پیل کړی او د جون ۲۵مې پر ماخوستن یې پر ټوېټر په بیان کې لیکلي چې لا هم خورا زیاتو پیسو ټولو ته اړتیا لري. نوموړي په بیان کې له خلکو څخه د مرستو غوښتنه کړې.
We have reached the 100k mark, that’s 150% more than our initial 🎯 Alhamdulillah . Let’s keep this going, we have long way to go 🙏🏻 “A kind gesture can reach a wound that only compassion can heal.” https://t.co/6csvvbx369
— Rashid Khan (@rashidkhan_19) June 25, 2022
راشد خان د زلزله ځپلو لپاره د پیسو ټولولو عمل د ګو فنډ مي په نوم پر یوه ووبپاڼه پیل کړی. هغه ووبپاڼه چندو او خیراتونونو غونډولو د کمپاینونو لپاره کارېږي چې له لارې یې خلک له خپل وس سره سم، پیسې ورکوي.
د جون پر ۲۲مه نیمه شپه په زلزله کې د پکتیکا، خوست، پکتیا او ننګرهار ولایتونو زرګونه کسانو ته مرګ ژوبله واوښته او ګڼې کورنۍ له سرپناه بې برخې شوې. زلزلې تر ټولو زیات زیان د پکتیکا په ګیان او برمل ولسوالیو کې اړولی.