د پاکستان تحريک انصاف مخکښه او د بشري حقونو پخوانۍ وفاقي وزيره شيرين مزاري نيول شوې ده.
د شيرين مزاري لور او وکېلې ايمان زېنب مزاري نن (د مې په ۲۱مه) په خپل يو ټويټ کې ویلي دي چې نارينه پوليسو يې مور وهلې او له ځان سره يې بېولې ده. نوموړې وروسته د اسلام اباد د کوهسار پولیس تاڼې په مخکې خبریالانو ته وویل:
"زما مور تښتول شوې ده، زه دې ته ګرفتاري نه وایم، ځکه کله چې څوک ګرفتاریږي، پولیس یې کورنۍ ته وار له مخې اطلاع ورکوي، زه نپوهېږم مور مې اوس چېرته ده؟ که پر هغې څه وشول نو زه به دوی پرېنږدم."
Male police officers have beaten and taken my mother away. All I have been told is that Anti Corruption Wing Lahore has taken her.
— Imaan Zainab Mazari-Hazir (@ImaanZHazir) May 21, 2022
خو د پاکستان شخصي ټي وي جيو نیوز يوه ويډيو خپره کړې چې پکې ښکاري، د پولیسو ښځينه سرتیرې، شيرين مزاري له ځانه سره بیايي او پر دغه مهال مېرمن مزاري هغوی ته بدې ردې وايي. له خپرې شوې ویډیو ظاهرا ښکاري چې مېرمن مزاري تورې چشمې اچولي دي،کپړې يې روغې دي او د تشدد نخښې پرې هم نه ښکاري.
پی ٹی آئی رہنما شیریں مزاری کی گرفتاری کی ویڈیو سامنے آگئی#GeoNews pic.twitter.com/F7MxPZNgtY
— Geo News Urdu (@geonews_urdu) May 21, 2022
د مزاري لور وايي چې دې ته يوازې دومره ويل شوي چې مور يې د لاهور د درغليو مخنيوي څانګې بېولې ده. د تحريک انصاف يو غړي شهباز ګل بيا په خپل يو ټويټ کې وېلي دي چې شيرين مزاري په اسلام اباد کې د خپل کور مخې ته نيول شوې ده.
لا هم مرکزي حکومت يا د پنجاب حکومتي چارواکو په دې اړه څه نه دي ويلي. د اسلام اباد پولیسو د شیرین مزاري د نیولو پېښه تایید کړې ده. دوی وايي، نوموړې د پنجاب د اینټي کرپشن (اداري فساد ضد) پولیسو لخوا نیول شوې ده.
ڈاکٹر شیریں مزاری کو گرفتار کرنے کا معاملہ۔ڈاکٹر شیری مزاری کو قانون کے مطابق اسلام آباد کی خواتین پولیس اہلکاروں نے گرفتار کیا۔ کسی قسم کی مس ہینڈلنگ کی خبریں بے بنیاد ہیں۔ خواتین پولیس آفیسرز نے محکمہ اینٹی کرپشن کی درخواست پر گرفتار کیا۔
— Islamabad Police (@ICT_Police) May 21, 2022
د پاکستان د انګریزۍ ژبې ورځپاڼې ډان لیکلي، د پنجاب د اداري فساد ضد د پولیسو ادارې هغوی ته پخلی کړی چې شیرین مزاري یې ګرفتاره کړې ده.
پاکستاني رسنيو د سرچينو په حواله ویلي چې له ډېره وخته راهيسې د شيرين مزاري خلاف د ځمکې یو کېس روان وو.