د پاکستان حکومت وايي چې د پنجاب صوبې وزیراعلی عثمان بزدار خپله استعفا وزيراعظم عمران خان ته لېږلې ده.
تر دې وروسته تحریک انصاف د مسلم ليګ قايداعظم مخکښ چودري پروېز الهي د پنجاب د وزیراعلا د کانديد په توګه ملاتړ اعلان کړی دی.
د پاکستان د اطلاعاتو او خپرونو مملکت وزیر فرخ حبیب د مارچ پر ۲۸مه نېټه پر ټويټر پاڼه وليکل چې د پنجاب سپیکر چوهدر پروېز الهي له وزیراعظم عمران خان سره ملاقات وکړ او د دواړو ترمنځ پر ټولو چارو اتفاق وشو.
چوہدری پرویز الہی کی وزیراعظم عمران خان کیساتھ ملاقات۔ ملاقات میں تمام معاملات طے ہوگئے۔ق لیگ کا وزیراعظم پر اعتماد کا اظہاراورحمائیت کا اعلان۔وزیراعلی عثمان بزدار نے اپنا استعفی وزیر اعظم کو پیش کردیاوزیراعظم عمران خان کا چوہدری پرویز الہی کو پنجاب کا وزیراعلی نامزد کرنےفیصلہ pic.twitter.com/h3G3wYwX8D
— Farrukh Habib (@FarrukhHabibISF) March 28, 2022
هغه زیاته کړې چې قایداعظم ليګ پر عمران خان باور څرګند کړی او د هغه حمایت يې اعلان کړی دی. نوموړي ويلي چې د پنجاب وزیراعلا عثمان بزدار خپله استعفا عمران خان ته وړاندې کړه او عمران خان پروېز الهي د پنجاب د وزیراعلی په توګه د نومولو پرېکړه وکړه.
په سياسي چارو کې د وزیراعظم د اطلاعاتو سلاکار ډاکټر شهباز ګل هم د ټويټر د لارې وويل چې تحریک انصاف به د پنجاب د وزیراعلی په توګه د پروېز الهي ملاتړ کوي او د ده په وينا قايداعظم ليګ به بیا د عمران خان خلاف د اپوزیشن له خوا د راوړل شوي عدم اعتماد تحریک په لړ کې د وزیراعظم حمايت کوي.
د مسلم ليګ قايداعظم او تحریک انصاف ترمنځ دا لوی پرمختګ په داسې حال کې شوی چې تر دې يو ساعت له مخه د مارچ پر ۲۸مه نېټه حکومت مخالفه ګوندونو په قامي اسمبلۍ کې په رسمي توګه د عمران خان پرضد د عدم اعتماد تحریک وړاندې کړ.
پاکستان تحریک انصاف چوہدری پرویز الہی کو وزیراعلی کے کینیڈیٹ کے طور پر سپورٹ کریں گے۔ ق لیگ نے وزیراعظم کی عدم اعتماد میں حمایت کا اعلان کر دیا
— Dr. Shahbaz GiLL (@SHABAZGIL) March 28, 2022
عثمان بزدار د پنجاب د وزیراعلا له څوکۍ څخه استعفا تر هغه څو ساعته وروسته وزیراعظم ته لېږلې چې د مارچ پر ۲۸مه سهار مهال د پنجاب اسمبلۍ کې مخالفه ګوندونو پاکستان مسلم ليګ نواز او پيپلز پارټۍ د عثمان بزدار پرضد د سپيکر پروېز الهي په دفتر کې د عدم اعتماد تحريک جمع کړ.
د حکومت مخالفه ګوند مسلم ليګ (نواز) د پنجاب اسمبلۍ غړي رانا مشهود د مارچ پر ۲۸مه نېټه په لاهور کې خبريالانو ته وويل چې نن یې د سپېکر په دفتر کې دغه تحريک جمع کړی او ده په وینا، هغه بايد د قانون له مخې په ۱۴ ورځو کې پر دې تحريک غونډه راوبولي.
له سپیکر چوهدري پروېز الهي سره په جمع شوي درخواست باندې د مسلم ليګ نواز او پیپلز پارټۍ د ۱۲۷ د پنجاب اسمبلۍ د غړو لاسليکونه دي.
وفاق کے بعد اپوزیشن نے پنجاب میں بھی محاز سنبھال لیا اپوزیشن نے پنجاب اسمبلی میں وزیر اعلی کے خلاف عدم اعتماد کی تحریک جمع کروادی عدم اعتماد کی تحریک مسلم لیگ ن کے اراکین اسمبلی رانا مشہود ،سمیع اللہ خان ،میاں نصیر اور دیگر اراکین اسمبلی نے جمع کروائی @pmln_org @CMShehbaz pic.twitter.com/wJ0NwS9sr3
— Rana Mashhood Ahmad khan (@ranamashhood) March 28, 2022
پنجاب اسمبلۍ ۳۷۱ چوکۍ لري چې ۱۸۴ پکې د تحريک انصاف دي. د تحريک انصاف سره د اتحاديانو په توګه د مسلم ليګ (قایداعظم) لس او د راه حق ګوند یو کس هم ملګری دی. د اپوزېشن غړي ۱۷۲ دي. اپوزېشن د عدم اعتماد تحريک کاميابولو لپاره ۱۸۶ رايو ته اړتیا لري.