د چين سرکاري رسنۍ وايي د مساپرو يوه الوتکه د دغه هيواد په جنوبي غرییزه سیمه کې لویدلې ده. په دې الوتکه کې ۱۳۲ مساپر او عمله سپاره وو.
د رسنیو له مخه دا الوتکه له کنمنګ ښار څخه ګوانګځو ښار ته روانه وه. تر اوسه معلومه نه ده چې په پېښه کې څو کسان مړه دي خو اندېښنه ښودل شوې چې څوک به روغ نه وي پاتې.
د چين سرکاري سي سي ټيليويژن وايي چې دا بوینګ ۷۳۷ الوتکه د چین ايسټرن لاین ملکیت وو او زیاتوي چې د پېښې ځای ته د ژغورنې ډلې رسېدلي دي. د چين ژينهوا خبري اژانس پر ټويټر ويډيو خپرې کړې چې پکې د ژغورنې ډلې د الوتکې په پاتې شونو پسې ګرځي.
A passenger plane carrying 132 people crashes in south China. Rescuers have arrived at the scene and found plane wreckage that looks like a wing pic.twitter.com/3aEWC73Ldy
— China Xinhua News (@XHNews) March 21, 2022
مقامي رسني وايي چې د الوتکې غورخيدو سره د غرونو په څنډو کې اور لګيدلې دی. تر دا مهال د دې الوتکې د غورخيدو تر شا وجوهات نه دي په ډاګه شوي. د چين حکومت ويلي چې پلټنې یې پيل کړي دي.
د پاکستان وزيراعظم عمران خان پر پېښه خفګان ښودلی دی. هغه د مارچ په ۲۱مه پر ټويتر ليکلي چې د خپلو چينايي وروڼو او خوېندو سره په دې غم کې شريک دی.
Deeply saddened by the tragic loss of lives in the passenger plane crash in China. We share the grief of our Chinese brothers and sisters and convey our deepest condolences and sympathies with the bereaved families.
— Imran Khan (@ImranKhanPTI) March 21, 2022
د نړيوالو معیارونو ترمخه، د چين ایر لاين انډسټري په تیره يوه لسیزه کې په نړيواله کچه په خوندي هغو کې شامله ده. چينايي ایسټرن اير لاين چې الوتکه یې لویدلې، د چين له دریو لویو ایر لاین شرکتونو څخه دی.