د پاکستان وفاقي تحقیقاتي ادارې (اېف ای اې) ډایریکټر ثنا الله عباسي د سېپټېمبر پر ۲۷مه په اسلام اباد کې په یوه خبري کنفرانس کې ویلي چې دوی د هغو کسانو خلاف پلټنې پیل کړي دي چې د کورونا واکسین جعلي سرټیفیکېټونه جوړوي او خرڅوي يې.
نوموړي پر دغه وخت دا هم وویل په تېرو دوو میاشتو کې یې په ټول هېواد کې د داسې ۴۱ کسانو خلاف ابتدایي تحقیقاتي رپوټونه (اېف ای ار) درج کړي دي چې په غېر قانوني توګه یې د کووېډ-۱۹ واکسینو سرټیفیکېټونه جوړول او له هغو کسانو هم معلومات کوي چې د ځانونو لپاره یې د واکسین جعلي سرټیفیکېټونه جوړ کړي دي.
اېف ای اې د سېپټېمبر پر ۲۷مه پر خپله ټوېټر پاڼه ورکړي دي چې دوی د جعلي سرټیفیکېټونو د جوړوونکو خلاف د یوi منظم څارونکي نظام لاندې کار کوي.
ڈی جی ایف آئی اے نے پریس کانفرنس میںکہاکہ جعلی کوویڈ ویکسینیشن سرٹیفکیٹ بنانے والے افراد کے خلاف صوبائی محکموں کے ساتھ کارروائی میں اب تک 41 سے زائد افراد کو گرفتار کر کے،ایف آئی آر درج کرلی گئی ہیں۔ملزمان کے خلاف سخت کاروائی کرنے کےلیے ایک مکمل ٹریکنگ سسٹم کے تحت کام کیا جارہاہے pic.twitter.com/kBqJ677aaP
— Federal Investigation Agency - FIA (@FIA_Agency) September 27, 2021
دا په داسې حال کې ده چې په پاکستان کې د کورونا وایرس مخنیوي لپاره د واکسینو د روان مهم پر مهال داسې خبرونه مخې ته راغلي چې په ځینو ځایونو کې د واکسینو جعلي سندونه جوړ شوي دي.
په داسې حال کې چې د پاکستان منصوبه بندۍ او د ترقۍ وفاقي وزیر اسد عمر ویلي چې په هېواد کې د کووېډ-۱۹ ناروغۍ خلاف واکسینو په مهم کې تر ۲۰ میلیون زیات کسان په مکمل ډول واکسین شوي دي.
د ده په وینا، حکومت هدف لري چې سږ کال تر پایه ۷۰ میلیونه کسان په مکمل ډول واکسین شي.
خو په تېرو دوه یا درو میاشتو کې د واکسینو جعلي سرټیفیکېتونو خبرونو د مهم د کامیابۍ او موثروالي په اړه اندېښنې پیدا کړې دي.