امرالله صالح چې د افغان حکومت د ولسمشر لومړی مرستیال وو، ادعا کوي چې د افغانستان د ولسمشرۍ اییني سرپرست دی.
صالح د اګست ۱۷مې پر ماښام په یوه ټویټ کې ویلي چې د افغانستان د اساسي قانون د حکم له مخې د ولسمشر په نه موجودیت کې یې لومړی مرستیال سرپرست ولسمشر دی.
د اساسي قانون په ۶۰ ماده کې ویل شوي چې د ولسمشر په غیاب، استعفا او یا هم د وفات په صورت کې لومړی مرستیال به د سرپرست دنده مخ ته وړي.
هغه په دې ټویټ کې ویلي چې د افغانستان په دننه کې دی او د دغه مقام د اعاده کېدو لپاره د دې هېواد له مشرانو سره سلا او مشورې کوي.
به اساس حکم صریح قانون اساسی جمهوری اسلامی افغانستان در صورت غیابت، فرار و یا مرگ رییس جمهور معاون اول بحیث سرپرست مقام ریاست جمهوری قرار میگیرد. من در داخل کشور استم و بصورت قانونی و مشروع سرپرست این مقام /کرسی می باشم. برای تحکیم این جایگاه باتمام رهبران کشور در مشوره استم.
— Amrullah Saleh (@AmrullahSaleh2) August 17, 2021
ښاغلي صالح خپل د اوسېدو ځای ونه ښود.
نوموړی دغه ادعا څو ورځې وروسته له هغې کوي چې اشرف غني د یکشنبې په ورځ له هېواده ووت او طالبانو کابل ونیو.
په عین حال کې د طالبانو ویاند ذبیح الله مجاهد په سېشنبه په کابل کې په لومړني خبري کنفرانس کې وویل چې د یوه داسې حکومت د جوړولو لپاره چې ټول په کې ځانونه وویني هڅې روانې دي.
مجاهد وویل، نوی حکومت به د اساسي قانون په اړه پرېکړه کوي.