په ګلګت بلتستان کې د نومبر پر ۱۵مه انتخابات شوي ول چې د پاکستان د مطبوعاتو په خبره چې د غير سرکاري او غير تصديق شويو نتيجو له مخې واکمن تحريک انصاف تر ټولو زياتې څوکۍګټلې دي.
د اپوزیشن دوو ګوندونو پیپلز پارټۍ او مسلم لیګ (ن) په انتخاباتو کې د درغلۍ تور پورې کړی خو حکومت وايي، د ټاکنو نارسمي نتیجې پر وزیراعظم عمران خان د ولس د باور ښکارندويي کوي.
د پاکستان پیپلز پارټۍ شریک مشر بلاول بوټو زرداري د نومبر پر ۱۶مه نېټه پر ټوېټر پاڼه تور پورې کړی چې انتخابات ورڅخه غلا شوي دي او دی به ډېر ژر په دې اړه په احتجاج کې ګډون کوي.
My election has been stolen. I will be joining the people of Gilgit-Baltistan in their protest shortly.
— BilawalBhuttoZardari (@BBhuttoZardari) November 16, 2020
د پاکستان دولتي ريډيو وايي، د غيرسرکاري نتيجو له مخې په ۲۳ څوکيو کې تحريک انصاف نهه، ازادو غړو اووه، پيپلز پارټۍ درې، مسلم ليګ نواز دوې څوکۍ ګټلې دي.
د پاکستان مطبوعات وايي چې جميعت علمای اسلام (ف) او مجلس وحدت بین المسلمين یوه، يوه ګټلې ده.
د مسلم ليګ نواز مرستيالې مشرې مريم نواز هم د نومبر پر ۱۶مه پر ټوېټر په ټاکنو کې د درغليو تور پورې کړی دی.
پوری ریاستی طاقت، حکومتی اداروں، سرکاری مشینری کا زور زبردستی اور جبر کے ہتھکنڈوں سے وفاداریاں تبدیل کرانے اور بدترین دھاندلی کے باوجود سادہ اکثریت بھی حاصل نہ کرنا شرمناک شکست ہے۔ ہارنے والوں کو "لوٹا پارٹی" سے دگنی سیٹوں کا ملنا کٹھ پتلی پر عوام کا عدم اعتماد ہے۔
— Maryam Nawaz Sharif (@MaryamNSharif) November 16, 2020
مریم نواز واکمن تحريک انصاف ته په اشاره ويلي چې د پوره ریاستي زور لګولو، د حکومتي ادارو، سرکاري مشينرۍ استمعالولو او د جبر او طاقت په وسيله د خلکو وفاداريانو بدلولو سربېره هم ساده اکثريت نه ترلاسه کول د دې په خبره بدترينه ماتې ده.
په ګلګت بلتستان کې د حکومت جوړولو لپاره د ۱۲ څوکيو ضرورت وي.
مسلم ليګ نواز او پيپلز پارټۍ تر ټاکنو له مخه د درغلۍ وېره ښوولې وه. خو د دواړو ګوندونو مشرانو د خپلو تورونو په ملاتړ کې ثبوتونه نه دې وړاندې کړي.
د پاکستان د اطلاعاتو وزير شبلي فراز بیا د نومبر پر ۱۶مه نېټه پر ټوېټر پاڼه ليکلي چې په ګلګت بلتستان کې د تحريک انصاف بريا د دې سيمې د خلکو د وزيراعظم عمران خان پر مشرۍ د باور څرګندونه کوي.
پاکستان تحریک انصاف کی فتح گلگت بلتستان کے عوام کا وزیراعظم عمران خان کی قیادت پر اعتماد کا اظہار ہے۔جی بی کےعوام نے مسلم لیگ ن کے بیانیے کو یکسر رد کر کے وزیراعظم عمران خان کےنظریے کی صداقت پر مہر ثبت کردی ہے۔
— Senator Shibli Faraz (@shiblifaraz) November 16, 2020
هغه ادعا کړې چې ولس د نواز شريف بيانيه رد کړې ده.