په کابل کې د امریکا د سفارت شارژدافیر راس ویلسن پر صبا سحر وروستی برید وحشیانه عمل بللی او په اړه یې د پوره څېړنو غوښتنه کړې ده.
صبا سحر د افغانستان فلمي لوبغاړې او د کورنیو چارو وزارت د "جېنډر" برخې مرستیاله ده.
راس ویلسن د اګست پر ۲۶مه سهار پر خپله ټوېټر پاڼه د افغان ښځو مېړانه ستایلې او پر افغان حکومت یې غږ کړی چې د هغو ښځو امنیت ټینګ کړي چې د افغانانو په استازیتوب کار کوي.
This latest attack on #SabaSahar is despicable and we expect a full investigation. Afghan women are some of the bravest people I know. The government must ensure Afghan women working on behalf of the Afghan people are afforded the same security protections as Afghan men. -KD https://t.co/u40jmy0v8p
— Chargé d’Affaires Ross Wilson (@USAmbKabul) August 26, 2020
پر صبا سحر د اګست پر ۲۵مه د کابل په اتمه حوزه کې ډزې وشوې.
د راپورونو پر اساس سحر په دې برید کې له خپل موټر چلوونکي او ساتونکي سره ټپي شوې ده.
اخوا د بشري حقونو د څار سازمان د اسیا برخې مرستیالې مشرې پېټریشیا ګاسمن ویلي د بشري حقونو او سولې پر فعالانو دا ډول بریدونو اندېښمنه کړې ده.
هغې ویلي، حکومت باید پر ښځو د بریدونو مخه ونیسي.
له صبا سحر مخکې د ښځو د حقونو یوه بله فعاله فوزیه کوفي چې د افغان سولې د مذاکراتي ډلې غړې هم ده، په یوه وسله وال برید کې ټپي شوې وه.