د اروپا يوشمېر هېوادونو خپلې پولې د نورو اروپایي هېوادونو پرمخ بیرته پرانيستلي دي.
دغه پولې د کورونا وايرس د خپرېدو له امله له درېیو میاشتیو راهیسې د لګول شویو محدودیتونو پر مهال تړل شوې وې.
د دغو هېوادونو له ډلې جرمني، بلجیم، فرانس، یونان او چېک جمهوریت د جون پر ۱۵مه خپلې پولې پرانیستلې او اسټريا به د جون پر ۱۶مه دا اقدام کوي.
د اروپا يوشمېر هېوادونه خپلې پولې په داسې حال کې پرانېزي چې اروپایي کمېسیون تېره اوونۍ د دې اتحاديې غړیو هېوادونو ته سپارښتنه کړې وه چې تر ممکنه حده خپلې پولې بېرته پرانېزي.
خو د دغو پولو له پرانیستلو سره سره هر هېواد د کورونا وايرس د ازموینې، کرنتين او د سفر کولو ځانګړو سپارښتونو په ګډون ځانته مقررات لري.